თორნიკე შენგელია ბელგიის უმთავრესი ტიტულისთვის იბრძოლებს. ქართველი კალათბურთელის გუნდმა ფინალურ სერიაში თამაშის უფლება მოიპოვა. „შარლერუამ“ ნახევარფინალური სერიის მეორე მატჩიც მოუგო „ანტვერპენს“ და ფინალში გავიდა, სადაც ტრადიციულ მეტოქე „ოსტენდეს“ შეერკინება.

ფინალში გამსვლელი მატჩი შარლერუელებმა საკუთარ მოედანზე 10 ქულის სხვაობით - 73:63 მოიგეს. სასტარტო ხუთეულსი იყო, თუმცა მხოლოდ 10 წუთი ითამაშა თორნიკე შენგელიამ. ეს დრო ქართველმა ფორვარდმა საკმაოდ შედეგიანად გამოიყენა და მთლიანობაში 6 ქულა, 2 მოხსნა და თითო ჩაჭრა-პასი მიითვალა. შარლერუელთაგან საუკეთესო იყო დემონ მალე, რომელმაც 20 ქულა მოაგროვა. კალებ გრინის ანგარიშზე კი 19 დაგროვდა.

ფინალური სერია 28 მაისს დაიწყება და სამ მოგებამდე გაგრძელდება. მოედნის უპირატესობა რეგულარული ჩემპიონატის მომგებ („შარლერუამ“ მე-3 ადგილი დაიკავა) „ოსტენდეს“ აქვს