2012-05-22
ნიკოლოზ ცქიტიშვილი ირანის ჩემპიონია
ნიკოლოზ ცქიტიშვილი ირანის ჩემპიონატის გამარჯვებულია. საქართველოს ეროვნული ნაკრების წევრის გუნდმა “მაჰრამმა” ირანის ჩემპიონატის ფინალურ სერიაში ”პეტროჩიმის” მშრალი ანგარიშით – 3:0 სძლია. ჩემპიონობის მომტან მატჩში თეირანელებმა სტუმრად 111:93 იმარჯვეს, ”სკიტამ” კი 30:21 წუთში 17 ქულა, 7 მოხსნა, 1 ჩაჭრა და 2 დაფარება მოაგროვა.
ქართველი ფორვარდი ტრადიციულად სასტარტო ხუთეულში იყო და 7-დან 6 ორქულიანი, 5-დან 1 სამქულიანი და 2 საჯარიმო ჩააგდო, ბურთი სამჯერ დაკარგა, ერთხელ დაჯარიმდა, მის წინააღმდეგ კი თამაშის წესები ორჯერ დაირღვა.
ცქიტიშვილი ირანიდან 2 ტიტულით ბრუნდება. ჩემპიონობამდე ქართველი ფორვარდის გუნდმა დასავლეთ აზიის საკალათბურთო ლიგაც მოიგო.
|
