ფიბა-მ თავის ორგანიზებულ ტურნირებზე ნოემბრის დასასრულისა და დეკემბრის პირველი ნახევრის მსაჯ-კომისართა ნომინაციები შეადგინა. ეს დანიშვნები იმითაა ჩვენთვის გამორჩეული, რომ მასში პირველად მოხვდა ქართული მსაჯთა კორპუსის წარმომადგენელი, მიხეილ ვართანოვი.
ვართანოვს ფიბა-ს ლიცენზია 3×3 კალათბურთის განხრით ჰქონდა, სტანდარტული, 5×5 საკალათბურთო მატჩს კი არასდროს მომსახურებია. მან ფიბა-ს ლიცენზია ოფიციალურად ოქტომბრის თვეში მიიღო და პირველი საერთაშორისო მატჩი, რომელსაც იმსაჯებს, ქალთა ევროპის თასის სტამბოლში გასამართი მატჩი იქნება, რომელშიც “გალათასარაი” პოლონურ “არტეგოს” დაუპირისპირდება.
ტრადიციულად, დატვირთულები არიან ფიბა-ს სტაჟიანი ქართველი არბიტრი მაკა კუპატაძე და ერთადერთი ქართველი ფიბა-ს კომისარ-დელეგატი მერაბ რატიშვილი. ქართველი მსაჯებისა და კომისრის დანიშვნების სრულ სიას ცალკე წარმოგიდგენთ:
მაკა კუპატაძე (მსაჯი)
27 ნოემბერი. ქალთა ევროლიგა. სტამბოლი (თურქეთი)
ფენერბაჰჩე (სტამბოლი, თურქეთი) – ბერეტა ფამილია სკიო (იტალია)
4 დეკემბერი. ქალთა ევროლიგა. კურსკი (რუსეთი)
დინამო (კურსკი, რუსეთი) – შოპრონი (უნგრეთი)
5 დეკემბერი . ქალთა ევროპის თასი. ვიდნოე (რუსეთი)
სპარტა (ვიდნოე, რუსეთი) – მბა (მოსკოვი, რუსეთი)
მიხეილ ვართანოვი (მსაჯი)
4 დეკემბერი. ქალთა ევროპის თასი. სტამბოლი (თურქეთი)
გალათასარაი (სტამბოლი, თურქეთი) – არტეგო (ბიგდოშჩი, პოლონეთი)
5 დეკემბერი. ქალთა ევროპის თასი. სტამბოლი (თურქეთი)
ბეშიქთაში (სტამბოლი, თურქეთი) – პრიშტინა (კოსოვო)
მერაბ რატიშვილი (კომისარი)
27 ნოემბერი. ქალთა ევროპის თასი. ვიდნოე (რუსეთი)
სპარტა (ვიდნოე, რუსეთი) – პრიშტინა (კოსოვო)
28 ნოემბერი. ქალთა ევროპის თასი. მოსკოვი (რუსეთი)
მბა (მოსკოვი, რუსეთი) – ბეშიქთაში (სტამბოლი, თურქეთი)
