მესამე ტურის ცენტრალური შეხვედრა თბილისის სპორტის სასახლეში დღის 2 საათზე დაიწყება. ერთმანეთს ,,არმიის” და ,,შსს აკადემიის” გუნდები დაუპირისპირდებიან. თამაშის დაწყებამდე გუნდების მწვრთნელებმა წინასამტჩო პრესკონფერენციაზე ისაუბრეს.
კოტე ტუღუში(,,არმიის’’ მთავარი მწვრთნელი): საბრძოლო
განწყობა გვაქვს, ორივე გუნდისთვის მნიშვნელოვანი თამაშია, წელს ყველა გუნდის წინააღმდეგ
ასეთ თამაშს ველით, დღევანდელ თამაშში ვერ დავასახელებ ფავორიტს. სამწუხაროდ, შსს აკადემიის
თამაშის ხილვის საშუალება არ გვქონდა, მათგან ბევრ სურპრიზს ველით, ახალგაზრდა გუნდია
და ნამდვილად საინტერესო შეხვედრა იქნება.
დრაგან პეტრიჩევიჩი(,,შსს აკადემიის’’ მთავარი მწვრთნელი):
უნდა აღინიშნოს, რომ გუნდი ჯერ ოპტიმალურ ფორმაში არ არის, სასურველ ფორმაზე საუბარი
თებერვალ-მარტში უფრო მიზანშეწონილი იქნება. საინტერესო თამაშს ველით, ორივე გუნდისთვის
სეზონი ახალი დაწყებულია და გახსნილი მატჩი იქნება. ორივეს გვაქვს უპირატესობება, თუმცა
აქ მეორე მხარეცაა. ,,არმიას’’ უფრო მეტი თამაში
აქვს ჩატარებული, ჩვენ დიდხანს მოგვიწია შესვენება, მეორე მხრივ, მათ არ უნახავთ ჩვენი
შეხვედრები და ეს ჩვენი პლიუსია.
