სუპერლიგის მე-2
წრის მე-7 ტურს დღეს სპორტკომპლექსი არენა მასპინძლობს. დღის პირველ შეხვედრაში ერთმანეთს
,,მაქაბისა’’ და ,,ბათუმის’’ გუნდები დაუპირისპირდებიან. გაგაცნობთ გუნდების მთავარი
მწვრთნელების წინასამატჩო კომენტარებს.
მიხეილ კობეშავიძე(,,ბათუმის’’ მთავარი მწვრთნელი):
რეგულარულის ბოლო და ძალიან მნიშვნელოვანი თამაში ბათუმში გვაქვს ,,შსს აკადემიის’’
წინააღმდეგ, მანამდე სხვა თამაშები აღარ გვაქვს და შევეცდებით დღევანდელი შეხვედრა მაქსიმალურად კარგად
გამოვიყენოთ მოსამზადებლად.
ჯამლეტ ხუხაშვილი(,,მაქაბის’’ მთავარი მწვრთნელი):
ბათუმი ჩვენზე ბევრად ძლიერი გუნდია, მაღალი დონის ლეგიონრები ჰყავს და მათთან გამარჯვების
პრეტენზია არ გვაქვს. ჩვენი გუნდის მიზანი უცვლელია, შევეცდებით, ძმებმა რევაზაშვილებმა
და ფერიაშვილმა მაქსიმალურად დიდი დრო გაატარონ მოედანზე და ბევრი ესროლონ. შეცდომები
იქნება, თუმცა ისინი იზრდებიან და საკმაოდ კარგი სტატისტიკური შედეგები აქვთ. განსაკუთრებით
მინდა გამოვყო ახალგაზრდა მაიზერ რევაზაშვილი, რომელსაც საუკეთესო საშუალო სტატისიკა
აქვს მის ასაკში და ასევე კარგად ასპარეზობს უმაღლეს ლიგაში. სამწუხაროდ, დღეს ვერ
ითამაშებს ლევან რევაზაშვილი, თუმცა ითამაშებს დანარჩენი 2 ძმა, ფერიაშვილი და მათ
2 უკანახაზელი დაეხმარებათ. ბოლომდე ვიბრძოლებთ, რათა ღირსეული თამაში ვაჩვენოთ.
