საქართველოს ეროვნული ნაკრების კანდიდატი, რომელიც ბოლო 5 სეზონია, თბილისის “ოლიმპის” ღირსებას იცავდა, რუმინეთის უმაღლეს ლიგაში გადავიდა. როგავა თბილისური გუნდის კაპიტანი და ლიდერი იყო, რომელსაც ილიას ზუროსი სისტემატიურად იწვევდა ეროვნული ნაკრების კემპზე და მსოფლიოს 2019 წლის ჩემპიონატის შესარჩევი ტურნირზე ის ძირითად შემადგენლობაში მოხვდა.
რუმინული “ტარგუ ჯიუ” როგავასთვი პირველი უცხოური გუნდი იქნება. ქალაქ მურეშის გუნდი რუმინეთის უმაღლეს დივიზიონში ასპარეზობს და გასულ, კორონავირუსის გამო დაუსრულებელ სეზონში გამართული 17 მატჩიდან 6 მოიგო. ამ შედეგით “ტარგუ ჯიუ” 16-გუნდიან ლიგა “ნაციონალაში” მე-14 ადგილზე იმყოფებოდა.
როგავამ გასულ სეზონში სუპერლიგაში 14 მატჩი ჩაატარა და საშუალოდ 13.1 ქულას, 4.7 მოხსნას, 4.4 პასს და 1 ჩაჭრას აგროვებდა. თითქმის ანალოგიური შედეგიანობა ჰქონდა როგავას 2018-2019 წლების სეზონშიც, რაც მის სტაბილურობაზე მიანიშნებს. ამ მომენტისთვის რუმინულ კლუბს კიდევ ერთ 1 უცხოელთან – ამერიკელ დარენ მაკლეინთან აქვს კონტრაქტი გაფორმებული. რუმინეთის უმაღლესი საკალათბურთო ლიგის დაწყება ოქტომბრის დასაწყისშია დაგეგმილი.
