საქართველოს ვეტერანებმა მსოფლიოს ჩემპიონატზე პირველი გამარჯვება მოიპოვეს

საქართველოს ვეტერანთა ნაკრებმა ამერიკაში მიმდინარე მსოფლიოს ჩემპიონატზე პირველი გამარჯვება მოიპოვა. სადებიუტო მატჩში ქართველმა კალათბურთელებმა ვენესუელას ნაკრები გაანადგურეს – 90:58.
საქართველოს ნაკრებში 22 ქულით ბომბარდირი გია სანაძე გახდა. 15-15 ქულა დააგროვეს პაატა გურასპაულმა და ზაზა ღონღაძემ, ხოლო დავით გიორგობიანის ანგარიშზე 12 ქულა დაგროვდა. 10-10 ქულა ნიკოლოზ ჩერქეზიშვილმა და ლევან წულაიამ მიითვალეს, ალექსანდრე ფერიაშვილმა კი უფრო დაცვაში გამოიჩინა თავი – მის ანგარიშზე 10 (!) დაფარება და 6 ქულა დაგროვდა.
საქართველოს ნაკრები მომდევნო მატჩს სამხრეთ ამერიკის კიდევ ერთ წარმომადგენელ ჩილესთან გამართავს.