ორბმა იოლად იმარჯვა, ჰიუნდაიმ ქუთაისი ბოლოს გატეხა

19 ივნისს 14-წლამდელთა ორი მატჩი გაიმართა. დღის პირველ შეხვედრაში ,,ორბმა” ,,ლომები” ანგარიშით 52:29 დაამარცხა.

მოგებულებს 20 ქულით ლევან გოგალაძემ ულიდერა, ხოლო 16 ქულითა და 13 მოხსნით ორმაგი დუბლი ბილი ალიევმა მიითვალა. რაც შეეხება ,,ლომებს”, მის შემადგენლობაში 13 ქულით თემურ ზედგენიძე გამოირჩა.

მეორე მატჩში ,,ჰიუნდაიმ” ,,ქუთაისს” უმასპინძლა. შეხვედრა დაძაბული გამოდგა და ის საბოლოოდ მასპინძელთა გამარჯვებით 47:45 დასრულდა. ,,ჰიუნდაის” რიგებში ორმაგი დუბლი ლევან ბეროშვილმა შეასრულა, რომელმაც 22 ქულა და 18 მოხსნა მიითვალა, ხოლო ქუთაისელთაგან 13 ქულა და 9 მოხსნა გივი ნაცვლიშვილის ანგარიშზეა.