ქუთაისმა ბათუმი დაამარცხა და ფინალური საგზური მოიპოვა

14-წლამდელთა პირველი ფინალისტის ვინაობა ცნობილია. ბათუმში ადგილობრივმა ,,ბათუმმა” ,,ქუთაისს” უმასპინძლა და 62:70 განიცადა. ქუთაისელებმა ,,ზღვისპირელებს” სერიაში 2:1 სძლიეს და ფინალური საგზური მოიპოვეს.  ,,იმერლებმა” მატჩი თავიდანვე დამაჯერებლად დაიწყეს და საწყის ათწუთეულში 14:8 დაწინაურდნენ, ხოლო დიდ შესვენებაზე 7-ქულიანი უპირატესობით 32:25 გავიდნენ. პირველი ტაიმის დასრულების შემდეგ ბათუმელებიც გააქტიურდნენ და სხვაობა 5-ქულამდე შეამცირეს (43:48), თუმცა დასკვნით მეოთხედში მეტოქეს სათანადო წინაარმდეგობა ვეღარ გაუწიეს და მარცხი განიცადეს.