საქართველოს ნაკრებმა ევროპის ლიგის სეზონი თბილისის “ჰიუნდაის” ძლევით დაასრულა

საქართველოს 14-წლამდელთა ნაკრებმა ევროიპის ახალგაზრდული ლიგის სეზონი გამარჯვებით დაასრულა. ნოდარ ქორქიასა და ირაკლი მაისურაძის გაწვრთნილმა ნაკრებმა ევროპის ლიგის დასკვნითი, მესამე წრის ბოლო მატჩში თბილისის “ჰიუნდაი” 52:34 დაამარცხა. საქართველოს ნაკრები და “ჰიუნდაი” ევროპის ლიგაში ერთად ასპარეზობდნენ, თუმცა ისე მოხდა,რ ომ ერთმანეთს რეგულარული ჩემპიონატის ბოლო მატჩში შეხვდნენ.

ჰიუნდაელებმა პირველი პერიოდი 13:10 მოიგეს, თუმცა მეორე 7:15 დათმეს და საბოლოოდ დიდი სხვაობით დამარცხდნენ. საქართველოს ნაკრებს 14 ქულით და 10 მოხსნით გუგა ნაცვლიშვილმა ულიდერა. 10 ქულა და 12 მოხსნა კოკა კაკულიამ მიითვალა. “ჰიუნდაიში” 9 ქულით საუკეთესო იყო ნიკოლოზ თოთლაძე, ხოლო ნოდარ კეკელიძემ 8 ქულა და 6 მოხსნა მიითვალა.

შედეგად, ორივე გუნდმა ევროპის ლიგის მიმდინარე სეზონი დაასრულა. საქართველოს ნაკრებმა 15 მატჩიდან 8 მოიგო და რეგულარული ჩემპიონატის 16-გუნდიან ცხრილში მე-8 ადგილი დაიკავა. “ჰიუნდაიმ” კი 15-დან 4 მატჩი მოიგო და სეზონი მე-13 ადგილზე დაასრულა.

საქართველოს ნაკრების წევრი, საბა გურეშიძე ორგანიზატორებმა მესამე წრის სიმბოლურ ხუთეულში შეიყვანეს.

ჰიუნდაი – საქართველო
სტატისტიკა: 34:52

1.	D3 – BS CSKA	15	15	0	30	950/653	297	63.3/43.5
2.	C1 – SKM-EMSI	14	13	1	27	953/557	396	68.1/39.8
3.	B1 – BS Valmiera	15	11	4	26	952/729	223	63.5/48.6
4.	D2 – BC Tsmoki-Minsk	15	11	4	26	778/733	45	51.9/48.9
5.	A4 – BS Admiralteiskaja	15	9	6	24	800/640	160	53.3/42.7
6.	A2 – SC Audentes	14	10	4	24	770/632	138	55.0/45.1
7.	D1 – BC Olimpiec	15	9	6	24	734/671	63	48.9/44.7
8.	C3 – Georgia 2004	15	8	7	23	808/744	64	53.9/49.6
9.	B4 – BC Plunge SRC	15	7	8	22	874/830	44	58.3/55.3
10.	A3 – Mens Sana BA	15	7	8	22	733/726	7	48.9/48.4
11.	C2 – Pomerania	14	6	8	20	704/744	-40	50.3/53.1
12.	A1 – BS Centralnaja	14	5	9	19	596/623	-27	42.6/44.5
13.	C4 – BS HYNDAI	15	4	11	19	770/817	-47	51.3/54.5
14.	B2 – BS Jugla	15	2	13	17	592/1048	-456	39.5/69.9
15.	B3 – BS Spars	15	1	14	16	571/1049	-478	38.1/69.9
16.	D4 – BC Legion	5	0	5	5	190/379	-189	38.0/75.8
17.	D4 – Admirals BA	10	0	10	0	0/200	-200	0.0/20.0