საქართველოს 18-წლამდელთა ჩემპიონატი 20 იანვარს დაიწყება

რამდენიმე დღეში საქართველოს ასაკობრივი ჩემპიონატები დაიწყება. 20 იანვარს სტარტს 18-წლამდელთა ჩემპიონატი აიღებს, რომელსაც 16 და 14-წლამდელთა ჩემპიონატები მოჰყვება. მიმდინარე სეზონის ასაკობრივი პირველობები წინანდელისგან განსხვავებული ფორმატით გაიმართება.

სამივე ტურნირის გათამაშების ფორმატი ერთნაირი იქნება. რეგულარულ ჩემპიონატში გუნდები 2 ჯგუფში განაწილდება, ხოლო პლეი ოფში თითო ჯგუფიდან 4-4 საუკეთესო გავა და ჩემპიონობისთვის ბრძოლას მერვედფინალიდან გააგრძელებს. საპლეიოფო სერიები 3 მოგებამდე იქნება ყველა სტადიაზე – მერვედფინალში, ნახევარფინალში და ფინალში. მე-3 ადგილისთვის მატჩები სამივე ასაკობრივ ჩემპიონატში ტრადიციულად ერთ მოგებამდე იქნება. 

პლეი ოფში ვერგასული გუნდები ეგრედ წოდებულ პლეი აუტს ითამაშებენ ჩემპიონატში ადგილების გასანაწილებლად.

————————————————————————————————————————————————-

18-წლამდელთა ჩემპიონატში მონაწილე 12 გუნდი 2 ჯგუფში არის განაწილებული:

ჯგუფებში გაიმართება 2 წრე (10 ტური), რის შემდეგაც საუკეთესო 4-4 გუნდი პლეი ოფში გავა. მეოთხედფინალში “ა” და “ბ” ჯგუფის გუნდები ჯვარედინი სისტემით დაწყვილდებიან, ხოლო პლეი ოფში ვერგასული 4 გუნდი 18-წლამდელთა ჩემპიონატის 9-12 ადგილებს გაითამაშებს. პლეი ოფში სერიები იქნება 3 მოგებამდე.

18-წლამდელთა პირველობის რეგულარული ჩემპიონატის კალენდარი:
http://gbf.ge/league/u18/schedule#mbt:275-303$f&stage=221303