18 წლამდე გოგონათა ნაკრები სლოვაკებთან ბოლო წამებზე დამარცხდა

მარცხით დაასრულა ევროპის ახალგაზრდული ლიგის მეორე წრე საქართველოს 18 წლამდე გოგონათა ნაკრებმა. ლატვიის დედაქალაქ რიგაში გამართული მეორე წრის ბოლო, მე-7 ადგილისთვის შეხვედრაში ქართველები სლოვაკურ “ნოვი ვესს” დაუპირისპირდნენ და ბოლო წუთამდე იგებდნენ, თუმცა გადამწყვეტ მომენტში სლავებმა იძალეს და 56:53 (სტატისტიკისთვის დაკლიკეთ ანგარიშზე) გაიმარჯვეს.

ნინო ყიფშიძისა და ზვიად დიდბარიძის გაწვრთნილი გუნდი ევროპის ლიგაში პირველ გამარჯვებასთან ახლოს იყო. ჩვენი ნაკრები ბოლო პერიოდი წინ 7 ქულით იგებდა, მაგრამ უპირატესობა ბოლომდე ვერ შეინარჩუნა. საქართველოს ნაკრებში 21 ქულით ელენე ილურიძე გამოირჩა, ხოლო ანა ქავთარაძის ანგარიშზე 17 ქულა და 7 მოხსნა დაგროვდა.

ევროპის ახალგაზრდული ლიგის ბოლო – მესამე წრე 15-18 თებერვალს პოლონეთის ქალაქ გდინიაში გაიმართება.