საქართველოს 20–წლამდელთა ნაკრები თურქეთში, სპარინგ–მატჩების სათამაშოდ მიემგზავრება. მიხეილ ბერუაშვილისა და ზაზა გაბისონიას გაწვრთნილი ჩვენი ნაკრები ქალაქ სტამბოლში სამ ამხანაგურ მატჩს გამართავს. 4 და 5 ივლისს ჩვენები A დივიზიონში მყოფ თურქეთის 20–წლამდელთა ნაკრებს გაეჯიბრებიან, ხოლო მესამე მეტოქე სავარაუდოდ სტამბოლური გუნდი იქნება, რომლის ვინაობაც ადგილზე ჩასვლის შემდეგ გაირკვევა. თურქეთის კალათბურთის ფედერაციამ ამ პირობით მიიწვია ჩვენი ნაკრები სტამბოლში, რომ 20–წლამდელთა ნაკრებთან ერთად ადგილობრივ კლუბთანაც გააჯიბრებდა.
ეს გახლავთ მოსამზადებელი ეტაპი ევროპის ჩემპიონატისთვის (B დივიზიონი), რომელიც ავსტრიის ქალაქ გესინგსა და ობერვარტში 14–24 ივლისს გაიმართება. ჯგუფში საქართველოს ნაკრების მეტოქეები იქნებიან ისრაელი, უნგრეთი და შვედეთი.
დღეს ვაკეში მდებარე საკალათბურთო აკადემიის დარბაზში 20–წლამდელთა ნაკრებმა ღია ვარჯიში გამართა. ქვემოთ მოყანილი შემადგენლობიდან ვარჯიშს არ დაესწრნენ თორნიკე შენგელია და გიორგი შარაბიძე. შენგელია ავსტრიაში გაემგზავრა ეროვნული ნაკრების შეკრებაზე, ხოლო შარაბიძე ჯერაც ესპანეთშია, პირად საქმეებს აგვარებს და ნაკრებს, შესაძლოა, თურქეთში შეუერთდეს. რაც შეეხება თორნიკე შენგელიას, მის შესახებ მთავარმა მწვრთნელმა, მიხეილ ბერუაშვილმა ეს განაცხადა:
– შენგელია ეროვნულ ნაკრებშია გამოძახებული და თუკი მწვრთნელი იგორ კოკოშკოვი საჭიროდ ჩათვლის, ის ეროვნულში დარჩება. ამ ეტაპზე ისაა ცნობილი, რომ შენგელია ევროპის ჩემპიონატზე, რომელიც ასევე ავსტრიაში ტარდება, ჯგუფური ეტაპის სამ მატჩში დაგვეხმარება. არაა გამორიცხული, რამე შეიცვალოს. ერთი სიტყვით, ეროვნული ნაკრების მწვრთნელზეა დამოკიდებული ყველაფერი…
– თურქეთში შეკრება საკმაოდ წაადგება ჩვენს ნაკრებს. ამ ქვეყნის ახალგაზრდული გუნდი ევროპაში ერთ–ერთი საუკეთესოა და A დივიზიონშიც საკმაო ამბიციები გააჩნია. თურქებთან თამაშში დავინახავთ ჩვენი ნაკრების დადებით და უარყოფით მხარეებს.
20–წლამდელთა ნაკრები თურქეთიდან 7 ივლისს დაბრუნდება, ხოლო 12 ივლისს უკვე ავსტრიაში, ევროპის ჩემპიონატზე სათამაშოდ გაემგზავრება.
სახელი, გვარი
დაბად.თარიღი
სიმაღლე
გუნდი
ბექა ჩიკვილაძე
12.02.1991
195
ალბასეტე (ესპანეთი)
იოსებ ლეჟავა
31.05.1991
186
სამედიცინო
ლევან ხმელიძე
15.05.1991
195
ენერჯი–ინვესტი
აკაკი დვალიშვილი
14.02.1991
206
ენერჯი–ინვესტი
ზურაბ მაჭავარიანი
22.05.1990
190
ენერჯი–ინვესტი
გივი ბაქრაძე
26.05.1991
185
კორიკო (ფინეთი)
გიგა კვეტენაძე
16.01.1990
200
სოხუმი
რევაზ ჩაჩანიძე
31.07.1990
185
ენერჯი–ინვესტი
გიორგი ნანიტაშვილი
12.04.1990
186
დინამო
აკაკი ლომოური
17.01.1991
196
სამედიცინო
გიორგი რევაზაშვილი
24.01.1991
209
მაკაბი
ბექა ბექაური
18.01.1991
208
სამედიცინო
თორნიკე შენგელია
05.10.1991
207
ვალენსია (ესპანეთი)
გიორგი შარაბიძე
27.04.1990
210
ვალენსია (ესპანეთი)
მწვრთნელები, ხელმძღვანელობა, ექიმი
მიხეილ ბერუაშვილი
მთავარი მწვრთნელი
ზაზა გაბისონია
ასისტენტი
გელა წულაძე
გუნდის უფროსი
ზურაბ იოსელიანი
ექიმი
