2002-წლიანთა ნაკრებმა ბელარუსული “ცმოკი” 62:31 გაანადგურა

საქართველოს 14-წლამდელთა ნაკრებმა ლატვიაში დღეს დაწყებულ ევროპის ახალგაზრდული ლიგის მეორე ეტაპზე პირველი გამარჯვება მოიპოვა. ქართველებმა ტურნირი ესტონეთის ქალაქ რაპლას გუნდთან მარცხით (47:61) დაიწყეს, თუმცა რეაბილიტაცია მყისვე მოახდინეს და მომდევნო მატჩში დამაჯერებლად იმარჯვეს. თემურ კანკიასა და ჯაბა ბაქრაძის გაწვრთნილი გუნდის მეტოქე ბელარუსული “ცმოკი” გახლდათ, რომელიც ქართველებმა 31 ქულით – 62:31 გაანადგურეს. საქართველოს ნაკრებში 17 ქულითა და 13 მოხსნით გორელი ვოვა თავაქარაშვილი გამოირჩა. ორმაგი დუბლი დაგროვდა დინამოელი ირაკლი კილაძის ანგარიშზეც (14 ქულა, 11 მოხსნა), ხოლო რუსთაველმა ზურა ვაშაკიძემ თავი 16 ქულას მოუყარა.საქართველოს ნაკრები ხვალაც 2 მატჩს გამართავს. ჯერ ლატვიურ ლიეპაიას შეხვდება, შემდეგ კი – რუსეთის ხიმკის.