საქართველოს 2002 წელს დაბადებულთა ნაკრები პოლონეთის ქალაქ ჟორიში დღეს ევროპის ლიგის მესამე ეტაპში ჩაერთო. თემურ კანკიასა და ჯაბა ბაქრაძის გაწვრთნილმა გუნდმა ტურნირის პირველი ეტაპი 24-27 ნოემბერს, ლატვიის დედაქალაქ რიგაში ჩატარა, ხოლო მეორე – მოსკოვში. გასული ეტაპებზე გამართული 10 მატჩიდან ქართველებმა მხოლოდ 1 შეხვედრა მოიგეს.
დღეს, პოლონეთში დაწყებული მესამე ეტაპი საქართველოს ნაკრებმა მოგებით დაიწყო. ქართელების მეტოქე ადგილობრივი გუნდი „ჟორსკა“ გახლდათ, რომელსაც კანკიას გუნდმა დამაჯერებლად – 82:64 მოუგო.
საქართელოს ნაკრებში 18 ქულით ბომბარდირი გახდა ირაკლი კილაძე. 17 ქულა და 8 მოხსნა დააგროვა გიორგი ბიგანაშვილმა, ხოლო რომა ჟინჟარაულისა და ზურა ვაშაკიძის ანგარიშზე 12-12 ქულა დაგროვდა.
საქართველოს ნაკრების სრული შემადგენლობა ასე გამოიყურება:
ვახტანგ გოგბერაშვილი, გიორგი ბიგანაშვილი, დავით სახოკია, ნიკოლოზ ნუცუბიძე, ირაკლი კილაძე, პაპუნა ცხვედიანი, რომა ჭინჭარაული, ზურაბ ვაშაკიძე, მათე კაპანაძე, ნიკა კიშკო, დავით გოგაძე, საბა შარვაშიძე.
საქართელო – ჟორი (პოლონეთი) 82:64 (სტატისტიკა)
მე-3 ეტაპზე დარჩენილი მატჩების კალენდარი:
17 მარტი, 18:00 ტრაპანი (იტალია) VS საქართველო 18 მარტი, 13:30 საქართველო VS ელექტროლუქსი (ლიტვა) 18 მარტი, 18:00 საბონისის აკადემია (ლიტვა) VS საქართელო 19 მარტი, 15:00 საქართელო VS რიგა (ლატვია)მითითებულია თბილისის დრო
