“ბასკონიას” ვებ-გვერდის ცნობით შენგელია ტრავმის გამო 4 კვირა ვერ ითამაშებს

ქართველი კალათბურთელი თორნიკე შენგელია დაშავებულია და მოედანზე გასვლას დაახლოებით 4 კვირა ვერ შესძლებს. ამ ინფორმაციას ესპანური “ბასკონიას” ოფიციალური ვებ-გვერდი ავრცელებს.
შეგახსენებთ, რომ ქართველმა ფორვარდმა მარჯვენა ფეხის ტრავმის გამო ევროლიგასა და ესპანეთის ჩემპიონატში თითო მატჩი უკვე გამოტოვა, თუმცა, გამოსაჯანმრთელებლად გარკვეული დრო კიდევ სჭირდება.
სამწუხაროა, რომ შენგელიას უქმობა ბასკური კლუბისთვის მნიშვნელოვან პერიოდს ემთხვევა. თოკო მონაწილეობას ვერ მიიღებს ესპანეთის სამეფო თასის მატჩებში, რომელსაც 16-19 თებერვალს სწორედ “ბასკონიას” საშინაო არენა უმასპინძლებს.