გერმანიის ქალაქ ბამბერგში მიმდინარე თხთა ტურნირი საბერძნეთის გამარჯვებით დასრულდა, ხოლო ევროპის ჩემპიონატზე საქართველოს მეტოქე ბელგიამ ბოლო ადგილი დაიკავა. ბელგიელები, რომლებმაც პირველი მატჩი გერმანიასთან 66:71 წააგეს, მეორეში კი 60:66 თურქეთთან წააგეს, ტურნირის ბოლო მატჩი საბერძნეთთან დათმეს.
როგორც ყველა მანამდელი მატჩი, ბელგიელებმა ბერძნებთან შეხვედრაც მძლავრად დაიწყეს და პირველი მეოთხედის შემდეგ დაწინაურდნენ – 16:14. მცირე შესვენების შემდეგ კი საბერძნეთმა უპირატესობა მოიპოვა და მომდევნო 2 ათწუთეული დამაჯერებლად მოიგო. შედეგად ბერძნები გადამწყვეტი მეოთხედის წინ 16 ქულით დაწინაურდნენ. ბოლო პერიოდში ბელგიელებმა ჩამორჩენის 9 ქულამდე შემცირება მოახერხეს და საბოლოოდ 61:70 დამარცხდნენ.
ბელგიელთა შორის ბომბარდირი მარკუს ფეისონი გახდა, რომელმაც 13 ქულა დააგროვა, დიმიტრი ლოუერსს კი 11 ქულა დაუგროვდა. ტურნირის ბოლო მატჩშ გერმანიამ თურქეთს მოუგო და მეორე ადგილი დაიკავა.
საბერძნეთი 3 3 0 6
გერმანია 3 2 1 5
თურქეთი 3 1 2 4
ბელგია 3 0 3 3
ბამბერგის საერთაშორისო ტურნირი. 21 აგვისტო
საბერძნეთი 70:61 ბელგია
14:16 25:12 22:17 9:16
დიმიტრი ლოუერსი
