ბექა ბურჯანაძის „ლეიმა ბასკეტმა“ ესპანეთის რანგით მეორე ლიგაში მნიშვნელოვანი გამარჯვება მოიპოვა, რითაც ოფიციალურად არა, მაგრამ ფაქტობრივად გაინაღდა საპლეიოფო 9 გუნდს შორის მოხვედრა.
დებულების თანახმად, ესპანეთის მეორე ლიგის გამარჯვებული პირდაპირ გადადის უმაღესში, ხოლო მომდევნო 8 გუნდი პლეი ოფში საუკეთესოს გამოსავლენად იბრძვის, რომელიც პრიმერადივიზიონის ბოლოსწინა ადგილზე გასულს გადასასვლელ მატჩებში დაუპირისპირდება.
ბურჯანაძის გუნდი გასულ ტურში „კასერესს“ ესტუმრა და 85:69 დაამარცხა. ქართველი ფორვარდი სასტარტო ხუთეულში იყო და მოედანზე გატარებულ 32 წუთში 15 ქულა, 6 მოხსნა და 1 ჩჭრა მოაგროვა. ბურჯანაძემ 7-დან 3 ორქულიანი, 3-დან 2 სამქულიანი და 4-დან 3 საჯარიმო ჩააგდო, ბურთი 2-ჯერ დაკარგა, 1 პერსონალური ფოლი მიიღო, მის წინააღმდეგ კი 3-ჯერ დაჯარიმდნენ.
15 მოგებითა და 12 მოგებით „ლეიმა ბასკეტი“ კიდევ 2 გუნდთან ერთად 4-6 ადგილებს იყოფს. დარჩენილ 3 ტურში ბურჯანაძის გუნდს 2 ქულის მოპოვება სჭირდება, 9 საუკეთესოს შორის ადგილი რომ დაიბევოს. მომდევნო მატჩს „ლეიმა ბასკეტი“ 1 აპრილს, შონ „ბარსელონასთან“ გამართავს.
