ბურჯანაძის 16 ქულა ლაკორუნიელებს გასამარჯვებლად არ ეყოთ

ესპანეთის რანგით მეორე ლიგაში მორიგი მატჩი გამართა ბექა ბურჯანაძის „ლეიმე ბასკეტმა”. ქართველ ფორვარდს ურიგოდ არ უთამაშია, თუმცა მისი გუნდი წაგებას ვერ ასცდა. ლაკორუნიელებმა გასვლითი მატჩი „პლანასასთან” – 67:85 დათმეს.
ბურჯანაძე სასტარტო ხუთეულში იყო და 27 წუთში 16 ქულა, 5 მოხსნა, 1 პასი და 2 ჩაჭრა მოაგროვა. ბექამ 10-დან 4 ორქულიანი, 4-დან 1 სამქულიანი და 7-დან 5 საჯარიმო ჩააგდო, ბურთი 3-ჯერ დაკარგა, 3 პერსონალური ფოლი მიიღო, მის წინააღმდეგ კი 7-ჯერ დაჯარიმდნენ.
“ლეიმა ბასკეტს” 10 მოგება და 15 მარცხი აქვს, 15-გუნდიან ლიგაში მე-11 ადგილზე იმყოფება და მომდევნო მატჩს 5 აპრილს, შინ, “კოკინასთან” ჩაატარებს.