ბურჯანაძის 5 წუთი “ბილბაოსთნ” წაგებულ მატჩში

ესპანურ პრიმერადივიზიონში დასანანი მარცხი იწვნია ბექა ბურჯანაძის “კახასოლმა”. სევილიელებმა “ბილბაოს” უმასპინძლეს და დაძაბულ ბრძოლაში, ბოლო წამებზე 72:75 წააგეს.
ქართველ ფორვარდს 5:19 წუთი დაუთმეს, რა დროშიც ბურჯანაძემ 1 ქულა, 2 მოხსნა და 1 დაფარების მოგროვება მოახერხა. ბექამ თამაშიდან 1 ორქულიანი და 1 სამიანი ააცილა, 2 საჯარიმოდან კი 1 გამოიყენა.
“კახასოლის” შემადგენლობაში 14 ქულით საუკეთესო ჯონ სასტრე იყო, ჩეხმა უკანახაზელმა ტომაშ სატორანსკიმ კი 11 ქულა მოაგროვა. ბურჯანაძის გუნდს 10 ტურის შემდეგ 4 მოგება აქვს და მე-13 ადგილზე იმყოფება.