ბურჯანაძის შედეგიანობამ “დელტეკოს” მადრიდში ვერ უშველა

ბექა ბურჯანაძის შედეგიანობის მიუხედავად, მისი გუნდი ესპანეთის ჩემპიონატში მაინც აგებს. “დელტეკომ” მორიგი ტურის შეხვედრა მადრიდი, “ესტუდიანტესთან” გამართა და დიდი სხვაობით – 62:86 წააგო. ბექამ კი სასტარტო ხუთეულში ითამაშა და 27:39 წუთში 10 ქულა, 2 მოხსნა და 1 პასი მოაგროვა, რაც თავის გუნდში საუკეთესო შედეგი გახლდათ.

ქართველმა ფორვარდმა 4-დან 1 ორქულიანი, 5-დან სამქულიანი და 6-დან 5 საჯარიმო ჩააგდო, ბურთი 2-ჯერ დაკარგა, 2-ჯერ დაუფარეს და მის წინააღმდეგ 5-ჯერ დაჯარიმდნენ.

“გიპუზკოა ბასკეტს” 17 ტურში 3 გამარჯვება შერჩა და აუტსაიდერის რანგში რჩება, მომდევნო შეხვედრას კი 26 იანვარს, შინ, “სარაგოსასთან” ჩაატარებს.