დუდა სანაძის 17 ქულა და გასვლითი გამარჯვება ოვერტაიმში

სლოვენიის უმაღლესი ლიგის მეორე ტურში რთული გასვლითი გამარჯვება მოიპოვა დუდა სანაძის „პრიმორსკამ“. დომჟალელები სტუმრად, ქალაქ სენტურში შეხვდნენ გუნდ „ტაიფუნს“ და დამატებით 5-წუთეულში 86:75 დაამარცხეს.
გამარჯვების ერთ-ერთი სულისჩამდგმელი ქართველი ლეგიონერი გახლდათ. სანაძეს თამაში სასტარტო ხუთეულში არ დაუწყია, თუმცა მოედანზე 26 წუთი გაატარა და ნიკოლა გაიჩის (25 ქულა) შემდეგ დომჟალელთაგან საუკეთესო მექულე გახდა.
სანაძემ 10-დან 5 ორქულიანი, 5-დან 1 სამიანი და 4-დან 4 საჯარიმო ჩააგდო. მოგროვებულ 17 ქულას დუდამ 6 მოხსნა, 4 პასი და 3 ჩაჭრა მოაყოლა. სანაძენ ბურთი 3-ჯერ დაკარგა, 1 ჯარიმა მიიღო და მეტოქეებმა მასზე 3-ჯერ დაარღვიეს წესები.

2-დან 2 გამარჯვებით „პრიმორსკა“ ლიდერთა შორისაა. მომდევნო მატჩს დომჟალელები შინ, 22 ოქტომბერს, „როგაშკა სლატინასთან“ გამართავენ.