გამოჯანმრთელებული სანიკიძე კვლავ დაშავდა

როგორც იტალიური პრესა იუწყება, ვიქტორ სანიკიძემ კვლავ ტრავმა მიიღო და 1 თვე ვეღარ ითამაშებს. იტალიური “ბოლონიის” ქართველ ფორვარდს ფეხის კოჭის ტრავმა აწუხებდა და 4 მატჩის გამოტოვების შემდეგ მოედანს გასულ ტურში დაუბრუნდა. ვიქტორმა საკმაოდ კარგად ითამაშა და 17 წუთში 8 ქულა მოაგროვა, თუმცა კვლავ დაშავდა და მოედანს ერთი თვით დაემშვიდობა. ამჯერად სანიკიძემ იდაყვი იტკინა და ახლა ექიმებთან სარეაბილიტაციო ვარჯიშებზე მოუწევს სიარული.