გიორგი შერმადინის მორიგი MVP-ის ტიტული. ქართველმა ცენტრმა ესპანეთის ჩემპიონატის მორიგ ტურში თავის გუნდ „ანდორას“ „მანრესასთან“ მატჩი მოაგებინა. შერმადინს დახმარება გაუწია ანდორელთა მეორე ქართველმა ლეგიონერმა – ბექა ბურჯანაძემ და ანდორელებმა ჩემპიონატის მე-1 გამარჯვება მოიპოვეს.
ანდორელები შეხვედრის მიმდინარეობის დროს ათ ქულაზე მეტითაც ჩამორჩებოდნენ, თუმცა, დასკვნით მეოთხედში მეტოქე 27:9 გაანადგურეს. ქართველ ლეგიონერთაგან სასტარტო ხუთეულში მხოლოდ შერმადინი იყო, რომელმაც 31:00 წუთში 20 ქულა, 8 მოხსნა (2 შეტევაში), 2 პასი, 4 ჩაჭრა და 1 დაფარება მიითვალა. გიორგიმ 10-დან 7 ორქულიანი და 6-ვე საჯარიმო ჩააგდო, ბურთი 4-ჯერ დაკარგა, ამდენივე პერსონალური მიიღო, მის წინააღმდეგ კი 5-ჯერ დაჯარიმდნენ.
შედეგად, ქართველი ცენტრის სარგებლიანობის კოეფიციენტი 29-ს გაუტოლდა, რაც მატჩის საუკეთესო მაჩვენებელი გახლდათ, მასპინძელთაგან ამ მხრივ მე-2 შედეგი (13) კი ბურჯანაძეს ჰქონდა. ბექამ მოედანზე 28:00 წუთი გაატარა და 5 ქულა, 8 მოხსნა (2 შეტევაში), 2 პასი, 1 ჩაჭრა და 1 დაფარება მოაგროვა. ქართველმა ფორვარდმა 2-დან 1 ორქულიანი და 5-დან 3 საჯარიმო ჩააგდო, სამქულიანი ააცილა, 2 შეცდომა დაუშვა, 3 პერსონალური ფოლი მიიღო, მის წინააღმდეგ კი თამაშის წესები 5-ჯერ დაირღვა.
“ანდორამ” 11 მოგება და 10 მარცხი მოაგროვა და სატურნირო ცხრილში მე-8 ადგილზე გადაინაცვლა, მომდევნო მატჩს კი 12 მარტს, სტუმრად, “მურსიასთან” ჩაატარებს. თორნიკე შენგელიას “ბასკონიას” ამ ტურის მატჩი დღესერთ-ერთ უშუალო კონკურენტ “ვალენსიასთან” ელის.
