გიორგი ცინცაძის “როკი” ბალტიის ლიგას თავში მოექცა

გიორგი ცინცაძის „როკმა“ ბალტიის ლიგის ლიდერობა დაიბრუნა. მორიგ ტურში გიორგი ცინცაძის “როკი” ლატვიაში “ვალმიერას” ესტუმრა და 59:54 გაიმარჯვა. უნდა ითქვას, რომ ტარტუელები ბეწვზე გადაურჩნენ მარცხს. ისინი სამი მეოთხედის შემდეგ 8 ქულით აგებდნენ, თუმცა, ბოლო პერიოდში 22:9 იმარჯვეს და მატჩი სათავისო შედეგით დაასრულეს.
 
საქართველოს ნაკრების უკანახაზელმა 25:19 წუთს ითამაშა და 7 ქულა, 5 მოხსნა, 2 პასი და 1 ჩაჭრა მიითვალა. საქართველოს ნაკრების გამთამაშებელმა 4-დან 1 ორქულიანი და 6-დან 5 საჯარიმო ჩააგდო, 2 სამქულიანი ააცილა, ბურთი ოთხჯერ დაკარგა, 3 პერსონალური ფოლი მიიღო.
 
“როკს” 10 გამარჯვება და 5 მარცხი აქვს და ბალტიის ლიგაში პირველ ადგილზე იმყოფება. 21 იანვარს ტარტუეელები შინაურ კედლებში მე-2 პოზიციაზე მყოფ ლიტვურ “რუდუპისს” ეთამაშებიან.