მაიკლ დიქსონის 13 ქულა და გამარჯვება ჩემპიონთა ლიგაში

მაიკლ დიქსონის „სტრასბურმა“ ფიბას ჩემპიონთა ლიგაში მორიგი მატჩი შინ „როსა როდომთან“ გამართა და 11-ქულიანი გამარჯვება მოიპოვა – 74:63. საქართველოს ეროვნული ნაკრების ამერიკელი უკანახაზელი კი მოედანზე ერთერთი საუკეთესო იყო.
დიქსონი თამაშში სათადარიგოთა სკამიდან ჩაერთო და 19:19 წუთში 13 ქულა, 1 მოხსნა, 3 პასი და 1 ჩაჭრა მიითვალა. მაიკლმა 5-დან 4 ორქულიანი, 3-დან 1 სამქულიანი და 2-ვე საჯარიმო ჩააგდო, ბურთი არ დაუკარგავს და 3 პერსონალური ფოლი მიიღო.
“სტრასბურგმა” 4 მოგებითა და 2 მარცხით ჩემპიონთა ლიგის C ჯგუფში მე-2 ადგილზე გადაინაცვლა, მომდევნო მატჩს კი 5 დეკემბერს, შინ, თურქულ “ბანვითთან” გამართავს.