მაიკლ დიქსონის აეკ-ის გამარჯვება “ლეფკადასთან”

საქართველოს ნაკრების ნატურალიზებული ამერიკელი კალათბურთელის – მაიკლ დიქსონის აეკ-მა საბერძნეთის ჩემპიონატში რთული გამარჯვება მოიპოვა. ათენელები სტუმრად „ლეფკადასს“ შეხვდნენ და დაძაბულ ბრძოლაში – 68:64 იმარჯვეს.
დიქსონი სასტარტო ხუთეულში იყო, თუმცა ჩვეული შედეგიანობით ვერ გამოირჩა. მაიკლმა 18 წუთი ითამაშა და 2 ქუთასთან ერთად 1 მოხსნა მოაგროვა. ქართულპასპორტიანმა ამერიკელმა უკანახაზელმა 1 ორქულინი ჩააგდო, 1 სამიანი კი აცილა. დიქსონმა 3 ჯარიმა მიიღო და მეტოქეებმა მასზეც 3-ჯერ დაარღვიეს წესები.
18 მოგებითა და 6 მარცხით აეკ-ი საბერძნეთის ჩემპიონატში მე-3 ადგილზეა. მომდევნო მატჩს დიქსონის გუნდი 8 აპრილს, ათენში, „კოლოსოსთან“ გამართვს.