მაიკლ დიქსონს აეკ-მა კონტრაქტი 2 წლით გაუხანგრძლივა

საქართველოს ნაკრების ნატურალიზირებულმა კალათბურთელმა მაიკლ დიქსონმა ათენის აეკ-თან კონტრაქტი გააგრძელა, რაც ბერძნული კლუბის ოფიციალურმა ვებსაიტმა დაადასტურა. ახალი კონტრაქტი მხარეებს 2019 წლის ზაფხულამდე აკავშირებთ. დიქსონი აეკ-ს 2016 წლის 21 ივნისს შეუერთდა და მიმდინარე სეზონში წარმატებით თამაშობს. ის გუნდის ერთ-ერთი ლიდერია და ბერძნულმა კლუბმაც ამის გამო შესთავაზა მას კონტრაქტის გახანგრძლივება.