მაკფადენის “იბეროსტარმა” ბარსელონა დაამარცხა

საქართველოს ეროვნული ნაკრების ნატურალიზებულმა ამერიკელმა ლეგიონერმა ესპანეთის ჩემპიონატში საამაყო გამარჯვება იზეიმა. მაკფადენის “ტენერიფე იბეროსტარმა” ლიდერ “ბარსელონას” უმასპინძლა და მიმდინარე სეზონში მე-2 მარცხი აგემა – 63:57. 

მაკფადენი თამაშში სათადარიგოთა სკამიდან ჩაერთო და 10:12 წუთში 3 ქულა და 1 პასი მიითვალა. საქართველოს ნაკრების კალათბურთელმა 2-დან 1 სამქულიანი ჩააგდო, 2 ორქულიანი ააცილა, ბურთი ერთხელ დაკარგა და 1 პერსონალური ფოლი მიიღო.

ტენერიფელებს 11 მოგება და 7 მარცხი მოუგროვდათ და სატურნირო ცხრილში მე-5 ადგილზე იმყოფებიან, მომდევნო მატჩი კი 9 თებერვალს, ისევ შინ, “ბურგოსთან” ელით.