მანუჩარ მარკოიშვილის „დარუშაფაკა“ თურქეთის ჩემპიონატის ნახევარფინალში გავიდა. დარუშაფაკელებმა მეოთხედფინალური სერიის მეორე მატჩი სტუმრად მოუგეს „ბანვითს“ და საერთო ანგარიშით 2:0 გაიმარჯვეს.
პირველი მატჩი 17 მაისს გაიმართა და მარკოიშვილის გუნდს დიდი ძალისხმევა დასჭირდა მის მოსაგებად – 77:76. მეორე შეხვედრა დარუშაფაკელებმა სტუმრად შედარებით იოლად – 86:73 იმარჯვეს, რაშიც ქართველი უკანახაზელის წილი სოლიდურია.
მანუჩარმა 24:50 წუთი ითამაშა და 12 ქულა, 4 მოხსნა, 2 პასი და 1 ჩაჭრა მიითვალა. მარკოიშვილმა თითო ორქულიანი და საჯარიმო ზუსტად შეასრულა, ხოლო 6 სამქულიანიდან 3 ჩააგდო. დარუშაფაკელებს 29 ქულით სკოტი ვილბეკინმა ულიდერა, ლიუკ ჰარანგოდიმ 13 ქულა მიითვალა.
„დარუშაფაკას“ მეტოქე ნახევარფინალში რეგულარული ჩემპიონატის გამარჯვებული „ეფესი“ იქნება. ნახევარფინალური სერფია 3 მოგებამდე გაგრძელდება.
