ნიკა მეტრეველის 8 ქულა 9 წუთში

საქართველოს ეროვნული ნაკრების წევრ ნიკა მეტრეველის გუნდმა „ბეტალენდ კაპო დ’ორლანდომ“ იტალიის სერია „ა“-ში მორიგი მატჩი გამართა, რომელიც ბრძოლაში – 65:69 დათმო. ორლანდოელების მეტოქე „ვანოლი“ გახლდათ და მატჩის ბედი ბოლო წუთებზე, სტუმართა სასარგებლოდ გადაწყდა.
ქართველმა კალათბურთელმა მოედანზე 9 წუთი გაატარა და 8 ქულა მოაგროვა. მეტრეველმა 4-დან 3 ორქულიანი და 2-ვე საჯარიმო ჩააგდო, ერთხელ დაუფარეს, 1 პერსონალური ფოლი მიიღო და მის წინააღმდეგაც ერთხელ დაჯარიმდნენ.
„კაპო დ’ორლანდოს“  3 მოგებით და 4 მარცხით მე-11 ადგილი უკავია, მომდევნო მატჩს კი 22 ნოემბერს ტურინში “მანიტალთან” ჩაატარებს.