ფაჩულიამ “ატლანტას” 2–2 ქულა–მოხსნა მიაშველა

„ატლანტა ჰოუქსის“ მწვრთნელმა ზაზა ფაჩულიასადმი სტაბილურობის შეგრძნება დაკარგა და ქართველ ცენტრს ხან ძალიან მცირე ხნით ათამაშებს, ხანაც 18–20 წუთს. ამჯერად, მილუოკიში „ბაქსთან“ 95:80 მოგებულ შეხვედრაში ფაჩულია მხოლოდ 5 წუთით გამოვიდა მოედანზე.
 
ამ მცირე დროში ზაზას რა უნდა მოესწრო. მან თამაშიდან 1 სროლა ააცილა, ხოლო 2 საჯარიმო ჩააგდო და მოედანი 2 ქულით, 2 მოხსწნითა და 1 პასით დატოვა. ატლანტელთაგან საუკეთესო კი ალ ჰორფორდი გახდა, რომელმაც 41 წუთში 18 ქულა, 12 მოხსნა  და 3 პასი მიითვალა.
 
ატლანტელებისთვის ამ გამარჯვებას სატურნირო თვალსაზრისით არაფერი შეუცვლია. ფაჩულიას გუნდი აღმნოსავლეთ კონფერენციაში მე–6 ადგილზე რჩება.
მომდევნო შეხვედრას „ქორები“ 29 დეკემბერს შინ „გოლდენ სტეიტთან“ გამართავენ.