ფიბას მსაჯთა ინსტრუქტორი რუშთუ ნურანი თბილისში სემინარს გამართავს

საქართველოში საქმიანი ვიზიტით  ჩამოდის ფიბა-ს რეგიონალური ინსტრუქტორი, მსაჯთა და მსაჯ-მდივანთა  კოორდინატორი, რუშთუ ნურანი. ბატონი ნურანი  ქართველი მსაჯებისა და მსაჯ-მდივნებისთვის ჩაატარებს  კვალიფიკაციის  ასამაღლებელ  სპეციალურ სემინარს, რომელზე დასწრებაც, ახლახან  კალათბურთის წესებში  განხორციელებული  ცვლილებების გათვალისწინებით,  მწვრთნელებისთვისაც მიზანშეწონილია.

რუშთუ ნურანის სემინარი 7 ოქტომბერს, თბილისის ოლიმპიურ  სასახლეში  (თსუ-ს  მაღლივ  კორპუსთან),  14:00 საათზე  გაიმართება.