სანაძის პირადი რეკორდი და მორიგი გამარჯვება

დუდა სანაძემ სეზონის საუკეთესო მატჩი ჩაატარა. ამერიკის სტუდენტური ლიგის მორიგ შეხვედრაში ქართველი უკანახაზელის გუნდი “სან დიეგო ტორეროსი” “გრინსბოროს” შეხვდა და ანგარიშით 83:71 დაამარცხა.
სანაძე 20 ქულით სანდიეგოელთა ბომბარდირი გახდა. ეს გახლდათ საუკეთსო შედეგი დუდასთვის, რაც ის “სანდიეგოში” თამაშობს. სანაძე სანდიეგოელთა სასტარტო ხუთეულში იყო და მოედანზე გატარებულ 32 წუთში 8-დან 5 ორქულიანი, 4-დან 1 სამიანი და 8-დან 7 საჯარიმო ჩააგდო. 20 ქულასთან ერთად სანაძემ 6 მოხსნა და 2 პასი მიითვალა.
“სან დიეგო” ფლორიდაში მიმდინარე “გალფ ქოსთის”ტურნირზე ბოლო მატჩს 27 ნოემბერს გამართავს. მე-5 ადგილისთვის მატჩში სანაძის გუნდი სამხრეთ ილინოისის უნივერსიტეტს დაუპირისპირდება. ამ მომენტისთვის “სან დიეგოს” ჯამში 6 მოგება და მხოლოდ 1 მარცხი გააჩნია.