საქართველოს 20-წლამდელთა ნაკრებმა ლუქსემბურგში მასპინძლები დაამარცხა

საქართველოს 20-წლამდელთა ნაკრებმა, რომელმაც რუმინეთში 3 სპარინგ-მატჩიდან 2 მოიგო, ამხანაგური მატჩების გასამართად ლუქსემბურგში გადავიდა. დავით უსტიაშვილის გაწვრთნილმა გუნდმა მასპინძლები პირველ მატჩში 6 ქულის სხვაობით დაამარცხა.
მატჩი საკმაოდ დაძაბული იყო. ლუქსემბურგელებს თავის ისტორიაში ყველაზე ნიჭიერი თაობა სწორედ ეს 20-წლამდელები ჰყავთ, რომლებიც ევროპის ჩემპიონატებზე თითო-ოროლა მატჩს იგებენ. შინაურ კედლებში მათ ქართველებს დიდი წინააღმდეგობა გაუწიეს, თუმცა გამარჯვების მოპოვება ვერ შეძლეს.
საქართველოს ნაკრებმა საბოლოოდ 65:59 გაიმარჯვა. მორიგ მატჩს უსტიაშვილის გუნდი დღეს, 1 ივლისს გამართავს.