საქართველოს “ბ” ნაკრებმა “ლიონინგთან” მარცხი განიცადა

ჩინეთში, შეკრებაზე მყოფმა საქართველოს ეროვნულმა „ბ“ ნაკრებმა მორიგი მატჩი გამართა. მეტოქე ისევ ის გუნდი გახლდათ, რომელთანაც ქართველებმა წინა შეხვედრ 6 ქულით დათმეს. ჩინეთის ჩემპიონატის ნახევარფინალისტმა „ლიონინგმა“ ამჯერად უფრო დამაჯერებლად იმარჯვა.
პირველი პერიოდი მეტ-ნაკლებად თანაბარი გამოდგა, რომელიც მასპინძლებმა 3 ქულით – 22:19 მოიგეს, თუმცა მეორეში უპირატესობა გაზარდეს და დიდ შესვენებაზე უკვე 11 ქულით ლიდერობდნენ.
დავით უსტიაშვილმა განაცხადში მყოფი 12-ივე კალათბურთელი ათამაშა და მათ დრო თითქმის თანაბრად გადაუნაწილა. ჩვენს გუნდში ყველაზე შედეგიანი 10 ქულითა და 6 მოხსნით ყველაზე შედეგიანი მიხეილ ჭოჭუა გახლდათ. 9-9 ქულა მოაგროვეს ბესო ლეჟავამ, სერგო ათუაშვილმა და ნოდარ გოგოძემ. ნოდარს ასევე 5 პასი დაუგროვდა, რაც ორივე გუნდის შემადგენლობაში საუკეთესო შედეგი გახლდათ.
საბოლოოდ „ლიონინგმა“ 88:71 იმარჯვა. საქართველოს ნაკრები საქართველოში დაბრუნებამდე კიდევ ერთ მატჩს გამართავს.

ლიონინგი – საქართველო B 71:88 22:19, 20:12, 20:16, 26:24
საქართველო გამყრელიზე 20 წუთი, 2 მოხსნა, 2 ქულა, 2 პასი, 2 ჩაჭრა ლეჟავა 19 წ, 9 ქ, 2მ, 2პ, 2 ჩ ჭოჭუა 20 წ, 10 ქ, 6 მ დვალიშვილი 20 წ, 6 ქ, 4 მ ლონდარიძე 15 წ, 2 ქ, 4 მ, 2 დაფარება ———————————————————————————– როგავა 20 წ, 7 ქ, 3 მ კახა ტომარაძე 13 წ, 4 ქ, 2 მ ზაქრაძე 13 წ, 2 ქ ათუაშვილი 12 წ, 9 ქ, 2 დ გოგოძე 21 წ, 9 ქ, 5 პ ლომოური 17 წ, 3 ქ, 3 პ, 2 მ ბულიავა 10 წ, 8 ქ, 6 მ