საქართველოს ნაკრები მაკედონიასთან სათამაშოდ “ზაგრებ-არენაზე” მივიდა (VIDEO)

საქართველოს ნაკრებისთვის ევროპის ჩემპიონატზე ყველაზე მნიშვნელოვანი მატჩი რამდენიმე წუთში დაიწყება. ქართველებს გათავისებული აქვთ მაკედონიასთან შეხვედრის მნიშვნელობა და „ზაგრებ-არენაზე“ საბრძოლო განწყობით მივიდნენ.
საქართველოს ნაკრები რომ დარბაზში მივიდა, მალევე დასრულდა ჩვენი ჯგუფის დღის პირველი შეხვედრა, რომელშიც ერთმანეთს საბერძნეთი და სლოვენია შეხვდნენ. ბერძნებმა 83:72 იმარჯვეს, სლოვენიელთა ათასობით ქომაგმა კი საკუთარი გუნდი მოედნიდან ტაშით გააცილა.
საქართველოს ნაკრების სასტარტო ხუთეული უცვლელია. ასისტენტი მწვრთნელების დახმარებით ქართველებმა მცირე მოთელვა გაიარეს და მწვრთნელისგან ბოლო დავალებების მისაღებად გასახდელში გავიდნენ.