საქართველოს ვეტერანთა ნაკრები მსოფლიო ჩემპიონატზე კოლუმპია და სერბეთი დაამარცხა

საქართველოს ვეტერანთა ნაკრები ამერიკაში მიმდინარე მსოფლიო ჩემპიონატის მეოთხედფინალში ვერ გავიდა, თუმცა საკვალიფიკაციო მატჩებში წარმატებით ასპარეზობას აგრძელებს.
მას შემდეგ, რაც ქართველებმა ჯგუფში 2 მოგების შემდეგ ჩეხებთან დაძაბული ბრძოლა 74:77 წააგეს და პლეი ოფში ვერ გავიდნენ, 9-16 ადგლებისთვის ბრძოლაში გადაერთვნენ და მომდევნო 2 მეტოქე დაამარცხეს. საქართველოს ნაკრების პირველი მსხვერპლი კიდე ერთი სამხრეთამერიკული (ჯგუფში ჩვენებმა ვენესუელა და ჩილე ჯამში 81 ქულით დაამარცხეს) ქვეყნის გუნდი გამოდგა. ქართველებმა კოლუმბიის გუნდს 95:56 სძლიეს.
მორიგი მეტოქე გაცილებით ძლიერი – სერბეთის ნაკრები გახლდათ. ქართველებმა ევროპის წამყვანი საკალათბურთო ქვეყნის ვეტერანთა ნაკრებს ტოლი არაფერში დაუდეს. მეტიც, საქართველოს ნაკრები ბოლომდე ბრძოლით მივიდა და გადამწყვეტ წუთებში გამარჯვებაც მოიპოვა – 70:63.