საშეჯიბრო დეპარტამენტმა სუპერლიგის და ასაკობრივი ლიგების გუნდებთან შეხვედრა გამართა

დღეს ახალ სპორტის სასახლეში კალათბურთის ეროვნული ფედერაციის საშეჯიბრო დეპარტამენტმა და თბილისის კალათბურთის განვითარების კავშირმა  2016-2017 წლების სეზონთან დაკავშირებით შეხვედრა გამართა ასაკობრივ ლიგებში მონაწილეობის მსურველ და სუპერლიგაში მონაწილე გუნდებთან. შეხვედრაზე გუნდებს გაეცნოთ ახალი პროგრამა განაცხადების ელექტრონულად შევსების შესახებ და გადაწყდა 18-წლამდელთა თბილისის ჩემპიონატისა და  დუდუ დადიანის მემორიალის დაწყების თარიღები.

 
თბილისის 18-წლამდელთა ჩემპიონატის ახალი სეზონი სტარტს 11 ოქტომბერს აიღებს, ხოლო 2016 წლის დუდუ დადიანის მემორიალი 5 ოქტომბერს დაიწყება.