“სასკი ბასკონიას” კემპი დასრულდა

საქართველოს კალათბურთის ეროვნულ ფედერაციასა და “სასკი ბასკონიას“ მიერ ორგანიზებული საკალათბურთო კემპი დასრულდა. თბილისში, „დინამოს“ საწვრთნელ ბაზაზე ესპანელი მწვრთნელები 2 კვირის განმავლობაში ქართველ ახალგაზრდებს წვრთნებს უტარებდნენ და საბილოოდ 16 პერსპექტიული მოთამაშეც გამოარჩიეს, რომლებსაც ივნისის თვეში ესპანეთში, „სასკი ბასკონიას“ საერთაშორისო კემპზე წაიყვანენ.
„დინამოს“ ბაზაზე თავდაპირველად 160-მა მოზარდმა მოიყარა თავი, რომლებიც 1998-2002 წლებში იყვნენ დაბადებულნი. ერთკვირიანი ვარჯიშების შემდეგ კემპის მონაწილეთა რაოდენობა განახევრდა და დაახლოებით 80-მა ახალგაზრდა ესპანელი მწვრთნელების ხელმძღვანელობით წვრთნა კიდევ 1 კვირით განაგრძო.

ვარჯიშები 24 აპრილს დასრულდა, დღეს კი „დინამოს“ ბაზაზე პრეს-კონფერენცია გაიმართა, სადაც იმ 16 კალათბურთელის ვინაობა დასახელდა, რომლებიც ივნისის თვეში „სასკი ბასკონიას“ კემპზე მონაწილეობის მისაღებად ესპანეთში გაემგზავრებიან. იქ წარმატებულ მოთამაშეებს კი უმაღლესი დივიზიონის კლუბ „ლაბორალ კუჩაში“ (რომლის მფლობელიც „სასკი ბასკონიაა“) მინიმუმ ერთწლიანი დარჩენა და კონტრაქტი ელოდება.
საქართველოს კალათბურთის ეროვნულ ფედერაციისა და „სასკი ბასკონიას“ შორის გაფორმებული ხელშეკრულება მხოლოდ აღნბიშნულ კემპს როდის მოიცავს. ესაა ერთ-ერთი შემადგენელი ნაწილი და ხელშეკრულებით გათვალისწინებული 5-წლიანი პერიოდის დასაწყისი, რომლის მეშვეობითაც ესპანურმა მხარემ ქართულ კალათბურთში არსებული კონტიგენტი, ახალგაზრდა თაობის შესაძლებლობები გაიცნო. ესწორედ ამაზე ისაუბრეს კემპის დასრულების შემდეგ გამართულ პრეს-კონფერენციაზე, რომელსაც საქართველოს კალათბურთის ეროვნული ფედერაციის გენერალური მდივანი გიორგი ქართველიშვილი, ვიცე-პრეზიდენტები – კახა შენგელია და ვლადიმერ ბოისა, „სასკი ბასკონიას“ გენერალური დირექტორი ხესუს ვასკესი და ტექნიკური დირექტორი ბორხა კომენჯი დაესწრნენ.

გაგაცნობთ იმ მოთამაშეებს, რომლებიც მონაწილეობას მიიღებენ “სასკი ბასკონიას” ესპანეთშიივნისში დაგეგმილ კემპზე:

მოთამაშე		დაბადების წელი	კლუბი
1	ირაკლი სულხანიშვილი	2001	იბერი
2	ნიკა დარბაიძე	1998	აკადემია
3	გიორგი კუჭავა	1999	სოხუმი
4	საბა გიგიბერია	2001	ჰიუნდაი
5	ნიკა კუნჭულია	1999	აკადემია
6	დავით კაკუშაძე	2000	არმია
7	ლაშა მიქელაძე	2001	აკადემია
8	ირაკლი კილაძე	2002	დინამო
9	გიორგი გახოკიძე	2000	მართვე
10	საბა გიგიბერია	2001	ჰიუნდაი
11	ბექა ბექაია	2001	ფოთი
12	დაჩი ქავთარაძე	2001	ჰიუნდაი
13	ვლადიმერ თავაქარაშვილი	2002	გორი
14	გიორგი ჭეიშვილი	2001	ქუთაისი
15	რატი ანდრონიკაშვილი	2001	აკადემია
16	ნიკა კეკელიძე	2002	მართვე