შენგელიას 11 ქულა და მორიგი გამარჯვება პრიმერადივიზიონში

თორნიკე შენგელიას გუნდმა ესპანეთის ჩემპიონატის მორიგ ტურში დამაჯერებელი გამარჯვება მოიპოვა. „ლაბორალ კუტჩამ“ „გიპუზკოა ბასკეტს“ უმასპინძლა და 79:62 გაანადგურა.
ქართველი ფორვარდი ტრადიციულად სასტარტო ხუთეულში იყო და მოედანზე მთლიანობაშ 24 წუთი გაატარა. შენგელიამ 6-დან 3 ორქულიანი, 2-დან 1 სამიანი და 4-დან 2 საჯარიმო ჩააგდო. მთლიანობაში თოკომ 11 ქულა, 3 მოხსნა, 2დაფარება და თითო პასი-ჩაჭრა მოაგროვა.
შენგელიას სარგებლიანობის კოეფიციენტმა 12 შეადგინა და ის 2 ერთეულით ჩამორჩა თავის გუნდელებს – ტომას უერტელს და ლამონ ჰამილტონს.
3 მოგებითა და 4 მარცხით „ლაბორალი“ 18-წუნდიან პრიმერადივიზიონში მე-10 ადგილზეა. მომდევნო მატჩს ვიტორიელები 23 ნოემბერს, სტუმრად „ხუვენტუდთან“ გამართავენ.