შენგელიას 13 ქულა და მოულოდნელი მარცხი ფუენლაბრადასთან

თორნიკე შენგელიას „ლაბორალ კუჩამ“ ესპანური ლიგის ერთ-ერთ აუტსაიდერთად მარცხი განიცადა. ვიტორიული გუნდი სტუმრად „ფუენლაბრადას“ შეხვდა და 83:91 წააგო.
თორნიკე შენგელიამ სასტარტო ხუთეულში ითამაშა და მოედანზე 31 წუთი გაატარა. ქართველმა ფორვარდმა 13 ქულა, 3 მოხსნა და  პასი მიითვალა. შენგელიამ 11-დან 2 ორქულიანი, 4-დან 2 სამიანი და 4-დან 3 საჯარიმო ჩააგდო. ვიტორიელთაგან 17 ქულით მაიკ ჯეიმსი გამოირჩა.
„ლაბორალ კუჩა“ საპლეიოფო ზონაში კი დარჩა, მაგრამ თუკი აქამდე მე-6 ადგილზე ერთპიროვნულად იმყოფებოდა, ახლა „ხუვენტუდი“ წამოეწია. მომდევნო ტურში შენგელიას გუნდი 3 მაისს „მურსიას“ უმასპინძლებს.