შენგელიას 16 ქულამ ბასკონიას ფენერბაჰჩსთან ვერ უშველა

თორნიკე შენგელიას “ბასკონია” ევროლიგის პლეი ოფში ჩაება. მეოთხედფინალური სერიის პირველი შეხვედრა ესპანურმა გუნდმა თურქეთში, სტამბოლის “ფენერბაჰჩესთან” გამართა და მიუხედავად ქართველი ფორვარდის შედეგიანობისა, ტურნირის მოქმედ ჩემპიონთან მარცხი განიცადა – 73:82.

შენგელია მატჩში სათადარიგოთა სკამიდან ჩაერთო და 24:52 წუთში 16 ქულა, 6 მოხსნა (4 შეტევაში), 2 პასი და 1 ჩაჭრა მოაგროვა. თორნიკემ 10-დან 4 ორქულიანი და 8-ვე საჯარიმო ჩააგდო, 1 სამქულიანი ააცილა, ბურთი 3-ჯერ დაკარგა და 6 პერსონალური ფოლი მიიღო. ქართველი კალათბურთელი სტუმართა რიგებში ყველაზე შედეგიანი იყო და სარგებლიანობის კოეფიციენტიც საუკეთესო ჰქონდა – 19.

შეგახსენებთ, რომ სერია სამ მოგებამდე გრძელდება, მომდევნო შეხვედრა კი ისევ სტამბულში 20 აპრილსგაიმართება.