შენგელიას 29 ქულა და 1-ქულიანი მარცხი ლიდერთან

თორნიკე შენგელიას 29 ქულა განვითარების ლიგაში. ქართველმა ფორვარდმა „სპრინგფილდ არმორს“ დივიზიონის ლიდერ „კანტონ ჩარჯზთან“ ულიდერა, მაგრამ მოგებამდე სულ ცოტა დააკლდა. სპრინგფილდელებმა შეხვედრა 1 ქულით, ანგარიშით 111:112 დათმეს.
 

 
შენგელია სასტარტო ხუთეულში იყო და მოედანზე გატარებულ 33 წუთში 19-დან 9 ორქულიანი, 7-დან 3 სამიანი და 9-დან 8 საჯარიმო ჩააგდო,. 29 ქულასთან ერთად თორნიკემ 4 ჩაჭრა, 2 მოხსნა და 1 პასი მიითვალა, ბურთი კი 2-ჯერ დაკარგა. სპრინგფილდელთაგან 19 ქულით მეორე ბომბარდირი წილი რიდი გახდა, კრის ჯოზეფმა კი 15 ქულა მოაგროვა.
 
13 მოგებითა და 23 წაგებით „სპრინგფილდ არმორი“ აღმოსავლეთის დივიზიონში ბოლო, მე-5 ადგილზეა. მორიგ მატჩს შენგელიას გუნდი 4 მარტს „ბეი ჰოუქსს“ შეხვდება.