შენგელიას პრაქტიკის მისაღებად ნბა-ს განვითარების ლიგაში გაშვებას უპირებენ

შესაძლოა, თორნიკე შენგელიამ ნბა-ს განვითარების ლიგაში (NBDL) გადაინაცვლოს. ეს ინფორმაცია ვებ-გვერდ nydailynews.com-მა გაავრცელა. შენგელიას, რომელიც ნბა-ს ერთ-ერთ ამბიციურ გუნდში ირიცხება და მოედანზე გასვლა იშვიათად უწევს, „ბრუკლინის“ მწვრთნელი სათამაშო პრაქტიკის მისაღებად განვითარების ლიგაში გაშვებას უპირებს.
როგორც ბრუკლინელთა დამრიგებელმა განაცხადა, შენგელია და გუნდის მეორე ახალბედა ტაიშონ ტეილორი მომავალი თვიდან განვითარების ლიგის გუნდ „სპრინგფილდ არმორში“ გადაინაცვლებენ. სწორედ ეს გუნდია „ბრუკლინის“ სატელიტი განვითარების ლიგაში.
რაც შეეხება თავად შენგელიას, მას თითი აქვს ნატკენი და ბოლო მატჩის განაცხადში ამის გამო ვერ მოხვდა. სულ კი, შენგელია მიმდინარე სეზონში 11 მატჩიდან 4 შეხვედრის განაცხადში იყო.