შენგელიას საპლეიოფო ამბავი: წაგება კანარის კუნძულებზე და სერიის გადამწყვეტი მატჩი ვიტორიაში

თორნიკე შენგელიას „ლაბორალ კუჩამ“ ესპანეთის ჩემპიონატის მეოთხედფინალური სერიის მეორე მატჩი სტუმრად „გრან კანარიასთან’ დათმო და საერთო ანგარიში 1:1-ზე გათანაბრდა. ნახევარფინალური საგზურის მფლობელი მე-3, გადამწყვეტ მატჩში გამოვლინდება, რომელსაც 31 მაისს ვიტორია უმასპინძლებს.
შენგელია, რომელიც 3-თვიანი იძულებითი უქმობის შემდეგ მოედანს წინა მატჩში დაუბრუნდა, მოედანზე ამჯერადაც მცირე ხნით გავიდა. თორნიკემ 3:15 წუთი ითამაშა და სტატისტიკური მაჩვენებლები არ ჰქონია გარდა 1 სრლისა, რომელზეც დაუფარეს.
სტუმართაგან საუკეთესო ამერიკელი მაიკ ადამსი იყო 22 ქულით, მაიკ ჯეიმსმა კი, რომლის საქართველოს ნაკრებში ჩარიცხვა საკმაოდ რეალურია, 15:19 წუთში მხოლოდ 2 ქულა მიითვალა. “გრან კანარიას” მხრიდან 8 და მეტი ქულა ერთბაშად 8 კალათბურთელმა ჩააგდო.
ამ წყვილიდან გამარჯვებულს ნახევარფინალში „ბარსელონა“ ელოდებამ რომელმაც სერია 2:0 მოუგო „ფუენლაბრადას“.