შენგელიას საუკეთესო შედეგი “სარაგოსასთან” მოგებულ მატჩში

თორნიკე შენგელიას წარმატებული მატჩი ესპანეთის ჩემპიონატში. „ლაბორალ კუჩას“ ქართველმა ფორვარდმა მორიგ ტურში „სარაგოსასთან“ 10 ქულა და 8 მოხსნა მოაგროვა და თავის გუნდს მორიგი გამარჯვების მოპოვებაში დაეხმარა. ვიტორიელებმა მეტოქე საკმაოდ იოლად – 73:45 დაამარცხეს.
ვიტორიულ გუნდში 22 ქულა მიითვალა დარიუს ადამსმა, თუმცა ქართველი ფორვარდის მარგი ქმედების კოეფიციენტი გუნდში საუკეთესო იყო და 23 ერთეული შეადგინა. შენგელია სასტარტო ხუთეულში იყო და მოედანზე გატარებულ 24:11 წუთში 10 ქულა, 8 მოხსნა და 3 პასი მიითვალა. თორნიკემ 8-დან 4 ორქულიანი და 2-დან 2 საჯარიმო ჩააგდო.
ეს გამარჯვება ვიტორიული გუნდისთვის რიგით მე-17 იყო. „ლაბორალ კუჩას“ 12 მარცხი გააჩნია და ცხრილში V-VI ადგილებს „ვალესნიასთან“ იყოფს. მორიგი მატჩი შენგელიას გუნდს მადრიდში, 26 აპრილს, „ფუენლაბრადასთან“ ელის.