შერმადინის 12 ქულა კონკურენტი “მურსიას” დასამარცხებლად საკმარისი არ აღმოჩნდა

დასანანი მარცხი განიცადა გიორგი შერმადინის „ანდორამ“, რომელმაც კონკურენტ „მურსიას“ უმასპინძლა და შეხვედრა 5 ქულის სხვაობით – 86:91 დათმო.
ქართველი ფორვარდი სასტარტო შემადგენლობაში გახლდათ და 15:44 წუთში 12 ქულა, 4 მოხსნა, 1 პასი, 1 ჩაჭრა და 1 დაფარება მოაგროვა. შერმადინმა 7-დან 3 ორქულიანი და 6-ვე საჯარიმო ჩააგდო, ბურთი 2-ჯერ დაკარგა, ერთხელ დაჯარიმდა, მის წინააღმდეგ კი თამაშის წესები 5-ჯერ დაირღვა.

„ანდორაში”საუკეთესო მაკედონიელი ფორვარდი ვოიდან სტოიანოვსკი გახლდათ, რომელმაც 20 ქულა ჩააგდო, მურსიელებს კი 20 ქულით ამერიკელმა სკოტ ვუდმა ულიდერა.
„ანდორა“ მე-11 ადგილზე ჩამოქვეითდა და პლეი ოფის ზონას, სადაც 8 საუკეთესო გუნდი გადის, გვარიანად დაშორდა. შემდეგი მატჩი შერმადინის გუნდს 17 აპრილს, მალაგაში ‘უნიკახასთან“ ელის.