შერმადინის 19 ქულა და ბურჯანაძის 18-ქულიანი დებიუტი “ანდორაში”

ესპანეთის უმაღლესლიდელ „ანდორაში“ დებიუტი ჰქონდა ბექა ბურჯანაძეს. ანდორელებმა ესპანეთის ქალაქ პლატხადაროში დახურული ტიპის შეხვედრა გამართეს რუსეთის ერთ-ერთ წამყვან გუნდ სანკტ-პეტერბურგის „ზენიტთან“. მატჩი სტუმართა 9-ქულიანი გამარჯვებით დასრულდა.
ანდორელთა შემადგენლობაში საუკეთესონი იყვნენ ქართველი ლეგიონერები. ბურჯანაძემ 20 წუთში 18 ქულა და 5 მოხსნა მიითვალა, ხოლო გიორგი შერმადინმა 25 წუთში – 19 ქულა და 8 მოხსნა. შეგახსენებთ, რომ შერმადინი „ანდორაში“ გასულ სეზონშიც გამოდიოდა და გუნდის ერთ-ერთი ლიდერი იყო, ბურჯანაძე კი კლუბს სეზონთშორის პერიოდში შეუერთდა. მან წინა სეზონი რანგით მეორე ლიგის კლუბ „ლეიმა ბასკეტში“ გაატარა, სადაც გუნდის ბომბარდირი გახლდათ