შერმადინის 6 ქულა და 6 მოხსნა სტუმრად ბრძოლაში წაგებულ მატჩში

გიორგი შერმადინის “უნიკახამ” ესპანეთის ჩემპიონატის მე-17 ტურში მოულოდნელი მარცხი იწვნია. მალაგელები სტუმრად “მონბუს ობრადორიოს” შეხვდნენ და 86:89 დამარცხდნენ. 

შერმადინი სათადარიგო იყო და მოედანზე გატარებულ 18:41 წუთში 6 ქულა, 6 მოხსნა და 1 პასი მოაგროვა. გიორგიმ 2-დან 2 ორქულიანი და 2-დან 2 საჯარიმო მიითვალა. მალაგურ გუნდში 23 ქულით საუკეთესო იყო ბრაიან რობერტსი, თუმცა წაგებისგან მისმა გარჯამ გუნდი ვერ იხსნა.

“უნიკახას” 11 მოგება და 6 მარცხი აქვს და ანალოგიური შედეგის მქონე თად მაკფადენის “ტენერიფესთან” 4-5 ადგილებს იყოფს. შემდეგ მატჩს “უნიკახა” 27 იანვარს, სტუმრად “ბარსელონასთან” გამართავს.